Urban legend sa iba’t ibang panig ng mundo

ANG urban legends ay mga kuwentong gawa-gawa lamang pero kung pakikinggan ay parang totoo.

Hawaii: Ang universe ngayon ay bahagi lang ng lumang universe na nawasak. Ang nilalang na natirang buhay sa lumang universe ay mga octopus.

US: Mas maraming nagpapakamatay sa holiday. Ang maling impormasyong ito ay ikinalat ng media. Ang totoo, bumababa ang suicide rates sa panahon ng Kapaskuhan.

US: Nakakalabo ng mata ang panonood ng malapit sa TV set. Hindi lalabo, mapapagod lang ang mata. Ang mga TV na ginawa raw bago sumapit ang 1967 ay  nagbubuga ng strong radiation mula sa TV screen.

Pakistan: Ang pakikipagtalik daw sa virgin ay nagpapa-galing ng HIV. Kaya tumaas ang insidente ng rape simula noon.

Japan: May higanteng bigla na lang magpapakita sa isang bahay at uutusan ang mga residente na hugasan ang kanyang maruming paa. Kapag tumanggi ang mga tao na hugasan ang kanyang paa, gagawa siya ng gulo hanggang magiba ang bahay.

Nagiging malikot at hindi mapakali kapag kumain ng sobrang matatamis na pagkain. Sugar rush ang tawag dito at hindi ito totoo. Nagkakatotoo lang dahil sa placebo effect—nagkatotoo ang isang paniwala dahil inisip mong ito ay mangyayari.

South Korea: Mamamatay ang mga tao na nasa kuwartong sarado ang pintuan at bintana habang naka-ON ang electric fan.

Scotland: May giant black cat fairy na kumukuha ng kaluluwa ng namatay. Nakikipag-unahan siya sa Diyos sa pagkuha ng kaluluwa.