DepEd employee, napisak ng bus
MANILA, Philippines — Isang 57-anyos na lalaki ang nasawi nang mahulog at magulungan ng bus na kanyang hinahabol, Martes ng gabi sa Cebu City.
Dead on arrival sa Cebu City Medical Center (CCMC) ang biktimang si Erwin Omblero, empleyado ng Department of Education (DepEd) Cebu City dahil sa tinamong pinsala sa katawan.
Ayon kay Police Captain Mark Don Alfred Leanza, hepe ng Abellana Police Station ng Cebu City, alas-6:00 ng gabi nang maganap ang insidente sa harapan ng Cebu South Bus Terminal, Barangay Sambag 1, Cebu City.
Sa pahayag ng saksing si Allan Geraldizo, bus dispatcher, hinabol umano ng biktima ang bus na noo’y papaalis na kaya pinilit nito na ikapit ang isang kamay habang bitbit naman ng kabilang kamay kanyang mga gamit.
Subalit,nakabitiw ang biktima hanggang sa pumailalim sa bus hanggang sa masagasaan ng likurang gulong ng bus na hindi namalayan ng driver.
Samantala, desidido naman ang pamilya ng biktima na sampahan ng kasong kriminal ang drayber ng nasabing bus na ngayon ay nakakustodiya na ng pulisya.
- Latest
