Bagong lider ng Dawlah terror group, 4 pa napatay sa Maguindanao encounter
MAMASAPANO, Maguindanao, Philippines — Napatay ng mga sundalo ang bagong lider ng Dawlah Islamiya terror at apat nitong tauhan sa isang sagupaan, kamakalawa sa Barangay Dabenayan ng bayang ito.
Kinilala ang napatay na si Abu Azim Karinda na nahirang na lider ng Dawlah Islamiya nitong Nobyembre matapos palitan si Salahuddin Hassan na napatay noong Oktubre 28,sa isang sagupaan sa Talayan, Maguindanao.
Ayon kay Major Gen. Juvymax Uy, commander ng Army’s 6th Infantry Division, na pinaligiran ng mga tauhan ng 6th Infantry Battalion ang hideout ni Karinda sa Barangay Dabenayen nang paputukan ng mga ito ang tropa ng pamahalaan.
Napatay din ang apat na tauhan ni Karinda na sina Fahad Salipada, Hamsallah Ganoy Salangani, Salah Salipada at isang Tatoks.
Nabatid na si Karinda ay dinamay sa paggawa ng bomba ni Malaysian terrorist Zulkifli bin Hir, or “Marwan,” na napatay ng PNP-Special Action Force noong January 25, 2015 sa bayan ng Pidsandawan sa nasabing ring bayan.
- Latest
