6 Chinese, 2 Vietnamese nasagip sa prostitution den
ANGELES, Philippines — Nasagip ng Criminal Investigation and Detection Group (CIDG) ang anim na Chinese at dalawang Vietnamese nationals nang salakayin ang ilang condominium na ginagamit umano na prostitution den sa Angeles City, Pampanga.
Nasa pangangalaga na ng mga awtoridad ang walong dayuhang na-rescue habang nadakip ang mga Chinese nationals na umano’y maintainer ng mga umano’y prostitution den na sina Fu Yi Nei, 26; Iuo Ying, 25; Hu Yu Lin, 30; Wa Ng Ji Yi, 30; Liu Lin Feng, 34 at Qui Shi Kai, 30.
Sa report, dakong 2:30 ng madaling nang salakayin ng mga elemento ng CIDG Anti-Transnational Crime Unit (ATCU) at Department of Social Welfare and Development (DSWD) ang Condo Nos. 5202, 5203, at 5204 sa loob ng isang kilalang hotel at villas sa Clark Freeport Zone.
Ang operation ay inilunsad matapos na makatanggap ng mga report ang CIDG na ang mga nasabing condominium units ay ginagamit na prostitution den ng mga dayuhan.
Narekober ang mark money na ginamit sa operasyon.
- Latest