2 ‘tulak’utas sa shootout, 28-kilong droga samsam
TUGUEGARAO CITY, Cagayan, Philippines — Dalawang hinihinalang tulak ng ipinagbabawal na droga na dumayo pa sa Benguet ang bumulagta sa shootout nang pumalag sa buy-bust operation na ikinasamsam ng nasa 28 kilong marijuana ng mga awtoridad sa San Jose City, Nueva Ecija noong Linggo.
Ayon kay Lt. Col. Heryl Bruno, hepe ng San Jose City Police, na nagpaputok ang mga nakilala lamang sa alyas na “Dickson” at “Romy” nang makatunog na pulis ang kanilang ka transaksyon sa Brgy. Sto. Niño 3rd dakong alas-9:30 ng gabi.
Napatay noon din ang dalawang suspek na nakuhanan ng tig-isang cal. 38 revolver at buy-bust money.
Narekober din ang 28 cylindrical packages ng pinatuyong dahon ng marijuana na tumitimbang ng 28 kilo at nagkakahalagang P3 milyon sa loob ng berdeng van na may plakang RBC 993 na gamit ng mga napatay na suspek. Napag-alamang inani sa Kibungan, Benguet ang mga nasamsam na marijuana.
- Latest
