Barangay tanod nilikida

TUGUEGARAO CITY, Cagayan, Philippines – Pinabulagta ang 35-anyos na barangay tanod matapos itong pagbabarilin ng mga di-kilalang lalaki na lulan ng motorsiklo sa Barangay San Placido, Roxas, Isabela kamakalawa. Sa ulat na isinumite kay P/Chief Insp. Virgilio Abillera, hepe ng Roxas PNP, namataang nakipag-usap ang biktimang si Mario Gaoiran sa mga suspek na isang lalaki at angkas na babae bago ito nakisakay sa kanilang motorsiklo dakong alas-7:30 ng gabi.?Ayon sa mga nakasaksi sa krimen, binoga ng mga suspek ang biktima habang sakay sa motorsiklo pagsapit sa liblib na highway sa nasabing barangay. Nabatid na nasangkot ang biktima sa ilang personal na away sa kanilang barangay na pinaniniwalaang niresbakan ng nakaaway.