Bike vs trak: 2 todas

CEBU CITY, Philippines – Tatlo-katao ang iniulat na nasawi matapos sumalpok ang kanilang motorsiklo sa nakaparadang rrailer truck sa national highway ng Sitio Candabong, Barangay. Binlod sa bayan ng Argao, Cebu kamaka­lawa ng umaga. Kinilala ng pulisya ang tatlong namatay na sina Luisito Christopher Cambarijan, Genito Amazona, at Sylvestre Gomera, pawang nakatira sa Barangay Bulasa sa nabanggit na bayan. Ayon kay P/Insp. Alejandro Batobalonos, Argao police chief, ang mga biktima ay nagmula sa drinking session sa Barangay Poblacion kung saan sinasabing pawang nasa impluwensya ng alak at walang helmet. Nabatid na pansamantalang pumarada sa gilid ng highway ang truck ng buhangin ni Henry Aque matapos itong maplatan ng gulong kung saan sumalpok ang motorsiklo ng mga biktima. Ayon kay PO2 Benjamine Gerosaga, nakikipag-ayos naman ang driver ng truck sa pamilya ng mga biktima. Freeman News Service