Koreanong gumagamit ng cocaine, dakma
MANILA, Philippines - Kalaboso ang binagsakan ng isang turistang Koreano matapos makumpiskahan ng cocaine sa loob ng motel sa Barangay Pajo, Lapu-Lapu City, Cebu kahapon ng madaling-araw.
Sumasailalim na sa tactical interrogation ang nasakoteng dayuhan na si Jungmin Park, 28, tubong Seoul, South Korea at kararating lamang sa bansa gamit ang tourist visa noong Agosto 4.
Lumilitaw na nakatanggap ng impormasyon ang task force laban sa suspek na sinasabing gumagamit ng cocaine sa loob ng motel kaya inilatag ang drug bust operation.
Bandang alas-12:30 ng madaling-araw nang isagawa ng mga operatiba ng Anti-Illegal Drugs Special Operations Task Force ng Lapu-Lapu City PNP sa pamumuno ni P/Inspector Glenn Hife. Nakumpiska mula kay Park ang sachet ng cocaine kung saan umamin ang Koreano na gumagamit siya ng bawal na droga.
- Latest
- Trending
