6 tinedyer tiklo sa pot session

LEGAZPI CITY, Albay, Philippines  — Anim na kabataang mag-aaral ang naaktuhan sa pot session sa isang coumpond malapit sa kanilang paaraalan sa Barangay Panal, Tabaco City, Albay kamakalawa. Ang mga estudyante na pawang may edad na 15 haggang 17-anyos ng Tabaco National High School ay isinailalim sa custody ng lokal na sangay ng Department of Social Welfare and Development. Ayon sa police report, naaktuhan ng security guard at isang guro na nagpapatrolya sa nabanggit na school ang anim na mag-aaral sa humihithit ng marijuana habang nag-iinuman ng alak. Nasamsam sa nabanggit na lugar ang ilang bote ng alak, sigarilyo, at maliit na plastic bag na naglalaman ng pinatuyong dahon ng marijuana.