Biyuda ni Sanchez vs Governor Vi

BATANGAS, Philippines — Pormal nang ipinahayag ni Sto. Tomas mayor at biyuda ni ex-Governor Arman San­chez ang kanyang pagtak­bo bilang gobernador ng Batangas kapalit ng kan­yang pumanaw na asawa.

Sa ginanap na maigsing press conference sa lamay mismo ni ex-Governor San­chez, hiniling nito ang suporta ng mga Bata­ngue­ño na tulungan siyang ipag­patuloy ang naiwang laban ng nasirang ama ng lalawigan.

“Hindi ko akalain na pa­palit ako sa aking asawa, mahirap ang desisyon na ito kasi iiwan ko ang mga kababayan ko sa Sto. Tomas, alam kong magta­tampo sila sa akin,” ani Mayor Sanchez.

Si Mrs. Sanchez, na naka­takda sanang tumak­bong re-electionist bilang mayor ng Santo Tomas, ay kinumbinsi ng kanilang partidong Nacionalista kabilang na ang lokal na koalisyon ng Lakas-Kampi-CMD at NPC na tumakbo bilang gobernador kapalit si ex-Governor Sanchez.

Si Sanchez ay puma­naw sa edad na 57 noong Martes sanhi ng brain hemor­rhage matapos itong mawalan ng malay-tao dahil sa over fatigue, heat stroke, hypo­glycae­mia at severe hypertension.

Bagamat may mga usa­ping legalidad sa Comelec, malaki naman ang panini­wala ng mga abogado ni Mrs Sanchez na marere­solba ang usaping substitution sa pamamagitan ng Comelec EnBanc at kung kinakailangan ay sa Supreme Court.

Samantala, hindi na­man nabahala ang kampo ni Batangas Governor Vilma Santos-Recto sa pa­nibagong takbo ng pulitika sa kanyang lala­wigan.

“Inirerespeto ko ang hak­bang nina Mrs Sanchez pero naawa din ako sa kanya dahil may mga taong gusto lang siyang gamitin para sa kanilang personal na kapa­kinabangan,” ani Gov Vi.

 “Bigyan naman nila ng panahong magluksa si Ma­yora Sanchez, sana ma­ging tama ang desisyon n’ya at huwag makinig sa mga sulsol ng mga naka­paligid sa kanya,” pahayag ni Gov Vi.

Una nang inihinto ni Governor Vi ang kanyang pangangampanya bilang pakikiramay sa pamilyang Sanchez. “Pero kung tata­patan nila ako, iikot na uli ako para harapin ko ang aking mga kababayan na nag-aantay sa akin,” dag­dag ni Gov. Vi.

 “Nasa kamay na ng mga Batangueño ang de­sisyon dahil pagkatapos ng lahat ng ito balik na tayo sa realidad ng buhay” pagta­tapos ni Governor Vi.