Baguio blast: 2 todas, 5 grabe

BAGUIO CITY, Philippines – Unti-un­ting nabubura sa mapa ng turismo ang Baguio City kung saan dalawa-katao ang iniulat na nasawi ha­bang limang iba pa ang ma­lubhang nasuga­tan maka­raang sumabog ang grana­da na inihagis ng di-pa kila­lang lalaki sa mataong lugar sa kahabaan ng Leo­nard Wood Road sa nabang­git na lung­sod kahapon ng mada­ling-araw.

Sina Vio Joe Mendoza, 22; at Deo Del Mundo, 21, ay namatay habang gina­gamot sa Baguio General Hospital and Medical Center, anim na oras matapos silang isugod sa ospital dahil sa tama ng shrapnel mula sa sumabog na granada ban­dang alas-3:30 ng madaling-araw.

Patuloy namang gina­ga­mot ang mga sugatang sina Rey Anthony Carino, 19; Raul Andrada, 21; Je­rome Santos, 22; Mark Dave San Mateo, 23; at si Lyndon Neo­cina, 23.

Sa inisyal na imbestigas­yon ng pulisya, lumilitaw na ang mga biktima ay mag­ka­kasamang umiinom ng alak sa kilalang Stairs To The World patungong Upper Session Road mula sa Leonard Wood Road nang hagisan ng granada ng isang grupo ng kalalakihang sakay ng pick-up truck.

Ayon naman kay P/Senior Supt. Wilfredo Fran­co, bago ang insidente ay tumawag sa Community Police Assistance Center 4 (COMPAC 4 ) ng Police Station 7, ang security guard ng isang hotel at ini-report na magulo ang mga bik­timang nagbabasag ng bote sa nasabing lugar matapos na mag-inuman ng alak.

Gayon pa man, habang pa­tungo sa lugar ang mag­re­res­pondeng pulisya ay umalingawngaw ang mala­kas na pagsabog.

Base sa inisyal na pag­su­suri ng mga tauhan ng Explosives and Ordnance Division, ang sumabog ay isang uri ng MKII-type fragmentation grenade, na ka­tulad nang iniha­gis sa mga estudyante sa loob ng computer shop noong Nob. 2007 kung saan 12 mag-aaral ang malubhang nasu­gatan. Sini­silip ng pulisya ang anggu­long alitan ng mag­kalabang grupo na sinasa­bing nama­ma­ yagpag ngayon sa na­bang­git na lungsod. Dagdag na ulat ni Andy Zapata