Pinatalsik na mayor, kapit-tuko

BATANGAS – Nagdesisyon na ang Comelec na patalsikin sa puwesto si dating Tanauan City Mayor Alfredo Corona, subalit patuloy pa rin sa panunungkulan at hindi nito sinunod ang kautusan ng kinauukulan. Binalewala ni Corona ang writ of execution ng Comelec at ng mga opisyal ng Department of Interior and Local Government (DILG). Patuloy na naghahasik ng problema si Corona dahil sa isinasagawang kilos-protesta ng kanyang mga tauhan. Kinandaduhan din ang ibang opisina, kaya hindi maipagkaloob ang mga serbisyo sa mamamayan. Sa lumabas na resolution ng 2nd Division ng Comelec noong Disyembre 22, 2005, iprinoklama si Sonia Torres-Aquino na siyang halal na alkalde ng Tanauan City.