Immigration officers sa paliparan bawal bidyuhan
MANILA, Philippines — “Bawal kunan ng litrato at video ang kanilang immigration officers sa mga paliparan.”
Ito ang paninindigan ni Bureau of Immigration (BI) Commissioner Norman Tansingco na mananatili ang polisiya nila makaraan na mag-viral ang isang litrato ng signages na kinunan ng isang netizen na nagbabala sa publiko laban sa pagkuha ng video at litrato sa mga immigration officers.
Ngunit tinuligsa ito ng mga netizen dahil sa pagbabala na kakasuhan sa ilalim ng Cyberbullying Law ang sinuman na pagsasalitaan sila at paglabag sa Data Privacy Act ang sinuman na kukuha ng litrato o video ng walang pagsang-ayon ng immigration personnel.
“The policy of disallowing photos and videos in the immigration area is not new, and similar signages have been posted in the past. The same thing is being practiced in many countries,” ayon kay BI Commissioner Norman Tansingco.
Ngunit sang-ayon si Tansingco na dapat mas maging magalang at sumalamin sa hospitabilidad ng mga Pilipino ang mga signages nila sa mga paliparan na pansamantalang tinanggal nila.
- Latest