P13.8 milyong shabu naharang sa Clark International Airport
MANILA, Philippines — Nasa P13.8 milyong halaga ng shabu ang naharang ng Bureau of Customs- Port of Clark at Ninoy Aquino International Airport at naaresto ang dalawang babaeng claimant, kamakailan.
Sa ulat, noong Enero 5 ay isinagawa ang ‘controlled delivery’ sa Pasay City na idineklarang “microserver double stairless ceramic,” na dumating sa Port of Clark noong Enero 2 mula sa Bangkok, Thailand. Naging kahina-hinala ito nang magpakita ng kakaibang imahe sa X-ray scanning kaya nagsagawa ng physical examination at nadiskubre ang apat na pirasong 3-liter stainless sport jug na naglalaman ng puting crystalline substances na nakabalot sa plastic at aluminum foil.
Nagpadala ng sampol sa PDEA para sa chemical laboratory analysis na nagkumpirma na shabu at naglabas na ng Warrant of Seizure and Detention ang BOC sa kontrabando habang sinampahan na ng kaso ang dalawang naarestong babae.
- Latest
