Mag-utol dinedbol ng hitman

MANILA, Philippines — Isang magkapatid ang nasawi nang sila ay pagbabarilin ng hindi pa kila­lang salarin, kamakalawa sa Purok Mangga, Brgy. Poblacion, Lebak, Sultan Kudarat.

Ang magkapatid na nasawi ay kinilalang sina Jomar Intal, alyas Tato, 38, may-asawa at kapatid na si Salim, nasa hustong gulang may asawa; kapwa mga obrero at nakatira sa Barangay Obial, Kalamansig, Sultan Kudarat.

Ayon sa pulisya, pa­sado alas-7:00 ng umaga ay sakay ng motorsiklo ang magkapatid patungo sa kanilang trabaho nang makasalubong ang suspek na sakay din ng motorsiklo.

Lumabas sa imbestigasyon na pasado alas-7:00 ng umaga ay patungo ang mga biktima sa kanilang pinagtatrabahuhan lulan ng motorsiklo nang makasalubong nila ang gunman na sakay din ng motorsiklo at sila ay hinarang.

Nagtalo ang suspek at magkapatid hanggang sa bumunot ng baril ang una at pinagbabaril ang mga huli.

Tumakas ang suspek habang ang magkapatid ay dinala sa ospital, suba­lit idineklarang dead on arrival.

Personal na alitan ang sinisilip ng pulisya sa mo­tibo ng krimen.