OTBT sa Metro Manila: 200 wanted nasakote
MANILA, Philippines — Halos 200 wanted sa batas na mga kriminal ang nasakote habang nasa P23 M halaga ng shabu ang nakumpiska ng mga otoridad sa inilunsad na tatlong araw na One Time Big Time Operations (OTBT) nitong Kapaskuhan sa buong Metro Manila.
Sinabi ni National Capital Region Police Office (NCRPO) Director Police Brig. Gen. Debold Sinas na aabot sa 240 police operations ang kanilang inilunsad mula Disyembre 24-26 ng taong ito.
Ang operasyon ay nagresulta rin sa pagkakaaresto sa 445 drug personalities habang nasa P23.752-M namang halaga ng sari-saring uri ng illegal na droga na tumitimbang ng 3,493.03 kilo ang nasamsam.
Inihayag din ni Sinas na nasa 34 katao ang nasakote sa loose firearms o mga baril na walang lisensya habang nasa 49 maiikling armas ang nasamsam, tatlo pang magagaang baril at eksplosibo.
- Latest
