Lolo na tatawid napisak ng trak
MANILA, Philippines — Namatay noon din ang isang 60-anyos na lalaki matapos masagasaan ng Isuzu truck habang tumatawid, kamakalawa ng gabi sa Quezon City.
Kinilala ang nasawing biktima na si Isagani Pascua, ng Sampaloc, Maynila. Habang nasa kustodiya ng Quezon City Police District Traffic Sector 1 ang suspek na si Noelito Coderias, 42 ng Nueva Ecija.
Batay sa pagsisiyasat ni PSMS Roy Torre ng QCPD Traffic Sector 1, nangyari ang insidente, alas-11:00 ng gabi sa panulukan ng A. Bonifacio Avenue at Calavite St., Brgy. Paang Bundok, Quezon City.
Papatawid ang biktima nang masalpok ng Isuzu truck na minamaneho ni Coderias. Nahaharap sa kasong reckless imprudence resulting to homicide ang suspek.
- Latest