Kiko ‘pinaka-bobo’-Digong
MANILA, Philippines — Dahil sa batas ni Senador Francis “Kiko” Pangilinan na nagpapalaya sa mga menor de edad na sangkot sa krimen ay tinawag ni Pangulong Rodrigo Duterte na “pinaka-bobo”.
Sa kanyang talumpati sa Puerto Princesa City, Palawan nitong Sabado ng gabi, minaliit ng pangulo ang senador bilang author ng Republic Act 9344 o Juvenile Justice and Welfare Act of 2006.
Sa ilalim kasi ng batas, hindi maaaring makulong ang mga 15-anyos pababa na nasasangkot sa krimen at iba pang paglabag.
“If you do not have anything to say except to criticize like Pangilinan, well, I’m sorry, pero shut up; ikaw yung abogadong alam kong pinaka-bobo sa lahat,” ani Duterte.
Wala naman daw intensyon ang pangulo na sirain ang pagkakaibigan nila ni Pangilinan, pero hindi umano makatwiran ang batas na tila kinukunsinte lang ang mga menor de edad na nagkakasala.
- Latest
