Unfaithful lover tinodas

MANILA, Philippines – Hindi na umabot ng buhay sa ospital ang isang lalaki na mayroon ng live-in partner ay nanliligaw pa sa isang dalaga matapos na siya ay  patayin ng nobyo kamakalawa ng gabi sa Brgy. Pogo, Ma­ngaldan, Pangasinan.

Ang nasawi ay kinila­lang si Reynaldo Ulanday, 55, may live-in partner  at residente ng Poblacion, San Fabian ng lalawigang ito.

Nagkaroon ito ng internal hemorrhage dahil sa mga sugat sa mukha at ulo sanhi ng pagpukpok ng mala­king tipak ng bato ng suspek na kinilalang si Andrew Velasquez, 26, binata.

Sa ulat ng Pangasinan Police, naganap ang insidente sa nabanggit na lugar dakong alas -9:00 ng gabi matapos umanong komprontahin ng suspek ang biktima sa panliligaw nito sa kaniyang nobya gayong may live-in partner na ito.

Sa gitna ng mainitang pagtatalo ay nagsuntukan ang dalawa hanggang sa mangibabaw ang lakas ng binata sa biktima na dinumog nito at pinagpupukpok ng malaking tipak ng bato sa ulo at pagkatapos ay mabilis na tumakas.

Lumilitaw naman sa imbestigasyon ng pu­lisya na matinding selos ang nagtulak sa suspek para gawin ang nasabing krimen.