Systems loss charge sa kuryente pursigidong matanggal ni Pangulong Marcos Jr.

MANILA, Philippines — Inihayag kahapon ni Palace Press Officer Claire Castro na pursigido si Pangulong Ferdinand Marcos Jr. na matanggal ang systems loss charge sa singil sa kuryente sa halip na Value added Tax (VAT) lang.

Naua nang nagpalabas ang Bureau of Internal Revenue (BIR)  na hindi na dapat magpataw ng VAT sa system loss charge sa kuryente.

Giit ni Castro, na bagama’t marami ngayong trabaho ang kongreso alam din nila ang prayoridad sa panukalang batas ng Pangulo.

Noong bitiwan aniya ng Pangulo ang isyu sa kanyang SONA ang tungkol sa pagtatanggal ng system loss charge ay maraming mambabatas ang positibo dito.

Kaya maraming mambabatas aniya ang nagpatawag ng pagdinig tungkol dito ilang araw matapos ang SONA para malaman kung ano ang mga dapat tanggaling bayarin sa kuryente, ano ang dapat alisin sa maling kwenta para maamyendahan ang EPIRA law.

Nilinaw ni Castro na sa ngayon ay wala pang napapag-usapan kung paano babawiin ang P10 bilyon na mawawala sa buwis kapag tinaggal na ang system loss charge sa kuryente.

Subalit, marami aniyang paraan ang BIR at Department of Finance para magkaroon ng pondo na pwedeng panagot sa mawawalang P10 bilyon.