Ex-bodyguard ng mayor itinumba ng tandem

MANILA, Philippines - Dead-on-the spot ang isang dating bodyguard ng yumaong alkalde ng Malabon City matapos na ito ay pagbabarilin ng dalawang kabataang lalaki na sakay ng isang motorsiklo kahapon ng umaga sa lungsod.

Nasawi dahil sa tinamong apat na tama ng bala sa katawan ang biktimang si  Alejandro Aquino, 48, residente ng Liwayway St., Brgy. Bayan-bayanan, ng naturang lungsod.

Sa imbestigasyon, dakong alas-8:30 ng umaga ay sakay ng kanyang motorsiklo ang biktima nang huminto sa isang tindahan malapit sa kanyang bahay.

Bigla na lamang sumulpot ang dalawang salarin at walang kaabog-abog na pinagbabaril ng malapitan.

Patuloy ang imbestigasyon ng pulisya sa motibo ng krimen at inaalam kung may koneksyon pagiging bodyguard nito dati ng yumaong Malabon Mayor Tito Oreta.