Lola na lumpo utas sa sunog

MANILA, Philippines - Utas ang isang Lola na lumpo o hindi makalakad, sa sunog na naganap sa San Juan City kahapon.

Ang biktima ay kinilalang si Remedios Rodriguez Co, 85 at residente ng Blumentritt St. corner R. Pascual St., Barangay Batis, San Juan.

Batay sa ulat ng San Juan Police, pasado ala-1:00 ng hapon nang maganap ang sunog sa tahanan ng biktima.

Sinasabing hindi umano nakakalakad ang biktima kung kaya’t hindi nito nagawang lumabas ng bahay nang maganap ang sunog.

Ayon sa pulisya, smoke suffocation ang ikinamatay ng biktima makaraang makulong sa loob ng kuwarto nito.

Inaalam pa ng mga arson investigator ang pinagmulan ng sunog, gayundin ang halaga ng mga ari-arian na natupok sa sunog, na umabot lamang ng ikalawang alarma at idineklarang fire out dakong alas-2:00 ng hapon.