Tindero, binoga sa ulo, patay
MANILA, Philippines - Utas ang isang 18-anyos na ambulant vendor nang barilin sa ulo ng hindi pa kilalang suspek sa Quiapo, Maynila, kamakalawa ng gabi.
Dead-on-arrival sa Mary Chiles Hospital ang biktimang si Jimmy Rodriguez, residente ng Fraternal St. Quiapo, Maynila dahil sa tinamong bala sa ulo.
Sa inisyal na ulat ni PO3 Joseph Kabigting ng Manila Police District-Homicide Section, dakong alas-6:30 ng gabi nang maganap ang krimen sa panulukan ng Arlegui at De Alba Sts., Quiapo.
Naghahanda nang umuwi ang biktima mula sa maghapong pagtitinda nang barilin ito ng hindi pa kilalang suspek na armado ng di pa batid na kalibre ng baril.
Malapitang binaril habang nakapokus ang tingin ng biktima sa kaniyang pedicab na ginagamit sa pagtitinda. Inaalam pa ng pulisya ang pagkakilanlan ng suspek at motibo sa krimen.
- Latest