Mister kulong sa pagpilit sa misis na mag-sex

MANILA, Philippines - Isang 56-anyos na mis­ter ang ipinakulong ng sariling misis matapos umanong puwersahin nito ang huli na sila ay magtalik kamakalawa ng gabi sa Caloocan City.

Ang suspek na nahaharap sa kasong sexual violence ay nakilalang si Ricardo Balibao, ng 6th Avenue ng naturang lungsod.

Batay sa ulat ng pulis­ya, dakong alas-10:00 ng gabi, nang pilitin umano ng suspek ang misis na si Arlene, 49 na sila’y mag­talik.

Labag man sa kagustuhan ni Arlene ay nakuha pa rin ng mister ang gusto nito kung kaya’t matapos na makaraos ang mister ay agad na bu­mangon ang una at nagtungo sa barangay hall at inireklamo ang mister at ipinaaresto.

Walang nagawa ang mister kung hindi su­ma­­ma sa presinto at na­sampahan ng kaso.