Pacers tumabla sa Knicks
INDIANAPOLIS — Nagposte si Pascal Siakam ng 25 points at 7 rebounds habang may 17 markers si Myles Turner sa 116-103 paggupo ng Indiana Pacers sa New York Knicks sa Game Six para itabla sa 3-3 ang kanilang Eastern Conference semifinals series.
Dadalhin ang Game Seven sa Madison Square Garden bukas kung saan ang mananalo ang sasagupa sa Boston Celtics sa conference finals.
“I thought Game 5 was our least aggressive game in the playoffs,” ani Pacers coach Rick Carlisle. “We played hard tonight, which was a must. They came out really hard tonight, which was evident, but we moved the ball better, we got more rebounds and that’s obviously been a big part in this series.”
Nag-ambag sina Tyrese Haliburton at Andrew Nembhard ng tig-15 points para sa kanilang perpektong 6-0 postseason home record.
Pinangunahan ni Jalen Brunson ang Knicks sa kanyang 31 points habang may 20 at 17 markers sina Deuce McBride at Donte DiVincenzo, ayon sa pagkakasunod.
Kinuha ng Indiana ang 61-51 halftime lead na pinutol ng New York sa 56-61 mula sa dalawang baskets at free throw ni Brunson sa pagsisimula ng third period.
Ngunit matapos ang timeout ng Pacers ay nagsalpak sina Nembhard at Haliburton ng magkasunod na triples para ilista ang 11-point margin laban sa Knicks.
- Latest
