SEAG winners magtutungo sa Malacañang ngayon

MANILA, Philippines — Pararangalan at bibigyan ng cash incentives ni Pangulong Rodrigo Duterte ang mga national athletes na nag-uwi ng 52 gold, 70 silver at 105 bronze medals mula sa 31st Southeast Asian Games na idinaos sa Hanoi, Vietnam.

Nakatakda ang courtesy call ng mga atleta sa Malacañang ngayong alas-6 ng gabi.

Kabuuang P32.4 milyon ang insentibong itinabi ng gobyerno para sa mga SEA Games medalists.

Base sa National Athletes and Coaches Incentives and Benefits Act, ang individual gold medal ay may katumbas na P300,000 habang P150,000 at P60,000 para sa silver at bronze, ayon sa pagkakasunod.

Posible ring magbigay ng bonus si Presidente Duterte kagaya ng nakaugalian nito bilang pagpapakita ng suporta sa mga atleta.

Si two-time world champion gymnast Caloy Yulo, kasalukuyang nagsasanay sa Japan, ang may pinakamalaking matatanggap na insentibo matapos humakot ng limang gold at dalawang silver medals sa Vietnam SEA Games.

Tumapos sa fourth place ang Team Philippines matapos angkinin ang overall title.