Gilas ilalaban sa pocket tournaments

MANILA, Philippines — Target ng Samahang Basketbol ng Pilipinas (SBP) na isabak sa ilang pocket tournaments ang Gilas Pilipinas sa Europa bilang paghahanda sa FIBA Asia Cup sa susunod na buwan sa Jakarta, Indonesia.

Kabilang sa mga posibilidad ang Serbia, Germany, France, Estonia at Argentina ngunit depende pa ito sa travel restrictions ng mga bansang nabanggit.

“If we can go play in pocket tournaments (in those countries), they would be better preparation as long as they were consistently available and we could have the budget to go to those. That would be preferable,” ani Gilas Pilipinas head coach Tab Baldwin sa programang Power and Play.

Kung hindi ito matutuloy, may Plan B ang SBP.

At malaki ang posibilidad na maglaro ito bilang guest team sa PBA Season 46 Philippine Cup na nakatakdang simulan sa Hulyo 16 sa Ynares Sports Center sa Pasig City.

“The PBA is certainly a potential possibility for us,” ani Baldwin.

Hindi naman isinasara ng PBA ang pintuan nito na maglaro bilang guest team ang Gilas Pilipinas upang mabigyan ito ng sapat na exposure bago sumabak sa FIBA Asia Cup.

Wala pang desisyon ang SBP kung itutuloy ito. Sakaling matuloy, maglalaro ng anim hanggang walong laro ang Gilas Pilipinas sa Philippine Cup. 

Kasalukuyang nagpa-pahinga ang Gilas matapos lumahok sa FIBA Asia Cup Qualifiers sa at sa FIBA Olympic Qualifiers.