PBA idaraos ang sariling 3x3 league

MANILA, Philippines – Bilang hakbang upang makasabay sa booming 3x3 world scene ay ilu­lunsad na rin ng Philippine Basketball Association ang makasaysayang PBA 3x3 League nito pa­ra sa 45th Season.

Labing apat na kopo­nan ang kasali sa inaugural 3x3 ng pinakamatandang pro-league sa Asya kasama ang 12 tra­ditional 5-on-5 teams na TNT Katropa, Meralco, NLEX, San Miguel, Barangay Ginebra, Magnolia, Alaska, Rain or Shine, Phoenix, Blackwater, North­Port at Columbian.

Dumagdag naman sa lista­han ang Mighty Bond at Dunkin Donuts.

Wala pang eksaktong petsa ang pagbubukas ng bagong liga.

Taliwas sa unang plano na magkakaroon pa ng PBA 3x3 draft, maaari na ngayong kumuha via direct hire ang 14 koponan.

Apat na players ang bu­buo kada team, dalawa dito ay puwedeng Fil-Fo­reigners.

Wala ring age limit sa mga nais sumali.

Pagkakataon ito para sa aspiring players na ma­kapagpakitang-gilas at ma­kakuha ng atensyon sa pag-akyat nila sa PBA sa pamamagitan pa rin ng official at annual PBA Rookie Draft.

Tuwing Lunes, Mi­yerkules at Biyernes ga­ga­napin ang laro ng mga 3x3 teams na magiging in­dependent league mula sa PBA.

Hahatiin sila sa dalawang grupo at maglalaro ng 42 eliminations games hanggang sa best-of-three semifinals at finals.

Wala pang eksaktong ha­laga pero inaasahang tu­mataginting ang pa­prem­yo ng PBA 3x3 na ka­da conference.

Ayon sa PBA Board, mayroon ding plano para sa 3x3 women’s division subalit tatalakayin pa lamang nila.

Mismong si Sama­hang Basketbol ng Pilipinas president at Meralco governor Al Panlilio ang nagmungkahi ng 3x3 league sa PBA Board ma­­tapos ang pulong kay FI­BA 3x3 head Alex Sanchez.

Bahagi ito ng progra­ma ng SBP katuwang ang PBA sa pamumuno ni Commissioner Willie Marcial na mapalakas ang 3x3 discipline sa bansa lalo’t kikilalanin itong medal event sa 2020 Tok­yo Olympics sa unang pag­kakataon.