Australian rider sa Le Tour Stage 2

NAGA City, Philippines - Nanalo si Australian Sean Whitfield ng kanyang unang stage victory sa isang International Cycling Union (UCI) race  matapos pangunahan ang 177.35-kilometer Stage Two ng Eight Le Tour de Filipinas na dumaan sa di pamilyar na ruta sa Albay at Camarines Sur kahapon.

Kasabay ni Whitfield na dumating sa finish line ang 25 riders para maorasan ng  four hours, 19 minutes at 21 seconds— kung saan kasama si general classification (GC) leader Daniel Whitehouse ng  Great Britain.

Pumangalawa si Sanghong Park (Korea) ng LX Cycling Team kasunod si Fernando Grualba  (Spain) ng Kuwait Cartucho.Es.

Mas bata ng isang taon sa Stage One winner na si Daniel Whitehouse.

Nakapuwesto sa unahan ng malaking grupo sa pagtawid sa  marka ng final kilometer ng karera si Whitfield tungo sa unang stage win ng  Australian Club na Oliver’s Real Food Racing sa Le Tour de Filipinas matapos sumali noong nakaraang taon.

“Sprinting is a little bit my specialty,” sabi ni Whitfield. “I and my teammates made our attack in the final 10 kms but entering the final 300 meters, I went for the win and held on.”

Ang Stage Two ay dumaan sa baybayin mula sa Tiwi sa Albay patungo sa unang munisipalidad ng Camarines Norte mula sa Sagnay.

Siniguro ni Whitehouse na mananatili sa kanya ang  yellow jersey para sa 177.35-km Stage Three patungong Daet, Camarines Norte matapos kumapit sa mga nasa unahan ng karera.

Namentina ni Whitehouse ang 1:57minute GC lead sa kababayang si Benjamin Hill ng Ataque Team Gusto at 1:58 minutong layo kay Japanese Ryu Suzuki (Bridgestone) sa top 10.