Kanya-kanya na naman ng opinion sa labanang Pacquiao-Bradley III

Nakapili na ng kalaban si Manny Pacquiao.

Kanya-kanya na namang opinyon tungkol sa pagpili ni Manny kay Ti-mothy Bradley Jr.

Nag-iba na raw ng style itong si Bradley kaya sinasabing ibang laban ang mapapanood natin ‘di tulad ng kanilang unang dalawang laban na sa mata ng marami ay si Pacquiao talaga ang nanalo. Kahit nung 2012 kung saan ang Amerikanong boxer ang lumabas na panalo.

Kesyo hindi ito kakagatin ng boxing fans, kesyo alam na kung anong magiging resulta ng laban na ito at kung anu-anu pa.

Dangan kasi, walang ibang gustong makita ang lahat kundi ang muling paghaharap ni Pacquiao at Floyd Mayweather Jr.

Wala nang iba pang dapat kalabanin si Pacquiao kungdi si Mayweather gayundin naman ang undefeated boxer.

Nauna nang nagretiro si Mayweather at nagsabi na siyang hindi na niya lalabanan uli si Pacquiao pero may hint na puwedeng mangyari pa ito dahil sinabi ni Tom Rank chief Bob Arum na hindi niya ibebenta ang Pacquiao-Bradley na last na laban na ni Manny... May pag-asa...