Fil-Am setter No. 1 pick ng Philips Gold

MANILA, Philippines - Hindi masasayang ang pagtitiwala na ibinigay ng Philips Gold kay Fil-American setter Iris Tolenada nang siya ang itinalaga bilang number one pick sa 2015 Philippine SuperLiga (PSL) Annual Draft kahapon sa SM Aura, Tagug City.

Ang 23-anyos at 5’8” na si Tolenada ay MVP ng California Collegiate Athletic Association at siya ang may pinakamagandang credentials sa mga nagpa-draft sa kaganapang suportado ni Taguig City Mayor Lani Cayetano bukod kay Congressman Lino Cayetano.

“I think my knowledge of the game and my experience is what I can bring to help the team,” wika ni Tolenada na ang mga magulang ay mga Filipino.

“Marami kaming spikers at kailangan namin ng magaling na setter at si Iris angpinakamagaling na setter sa draft so siya talaga ang kukunin namin,” wika ni Lady Slammers team manager Atty. Eric Anthony Ty.

Sina PSL president Ramon “Tats” Suzara at chairman Philip Ella Juico ang nangasiwa sa seremonya na dinaluhan din ni Larong Volleyball ng Pilipinas (LVP) president Jose Romasanta at ang secondpick ay ginamit ng Foton kay dating UP spiker Angeli Araneta.

Ang third pick ay ginamit ng Cignal sa liberong si Rica Enclona habang si Rizza Mandapat ang kinuha ng Shopinas sa fourth, si Therese Verona ang napili ng Shamac sa fifth at ang Petron ay pinalad na nakuha ang 5’8” Fil-Am Alexa Micek.

Umabot sa second round ang pilian at ang mga nakuha ay sina Desiree Dadang (Philips Gold), Denise Lazara (Foton), Diane Ticar (Cignal), Djanel Cheng (Shopinas), Samantha Dawson (Shacman) at Ivy Perez (Petron).

“We hope all teams have addressed their needs. We are excited to see these girls in action and we’re wishing them luck to their respective careers,” wika ni Suzara.

Magkakaroon ng siyam na araw ang mga draftess na makabisado ang istillo ng kani-kanilang koponan dahil sa Marso 22 pa magsisimula ang aksyon sa Mall of Asia sa Pasay City. Sumusuporta rin sa PSL ang TV5 na siyang magsasaere sa mga laro. (AT)