Ateneo Lady Eagles sososyo sa liderato

MANILA, Philippines – Isang buwan matapos mapahinga, babalik ang nagdedepensang Ate­neo Lady Eagles pa­ra ipagpatuloy ang kam­panya sa women’s vol­leyball tournament sa pagbabalik ng aksyon nga­yon ng 77th UAAP volleyball sa The Arena sa San Juan City.

Lalabanan ng Lady Eagles ang UP Lady Ma­roons sa unang laro sa ganap na alas-2 ng ha­pon at balak tukain ng Ateneo ang ika-limang su­nod na panalo.

Pagsisikapan naman ng da­ting kampeong La Salle Lady Spikers ang pangunguna sa walong koponang liga sa pag­tud­la sa ikaanim na di­ret­song panalo kontra sa host UE Lady Warriors sa alas-4 ng hapon.

Masisilayan din ang aksyon sa kalalakihan at ang nagdedepensang National University ay nagtatangka sa kanilang ika­anim na sunod na ta­gumpay laban sa  UP na magsisi­mula matapos ang bak­bakan ang Ate­neo at UE sa ganap na alas-8 ng umaga.

Pang-apat na panalo ma­tapos ang anim na la­­banan ang nakataya sa Blue Eagles na mag­di­dikit pa sa mga kopo­nan ng UST Tigers at Adamson Falcons na mag­kasalo sa ikalawang puwesto sa 4-1 baraha.

Noong Disyembre 6 pa huling naglaro ang Lady Eagles at umani sila ng 3-0 panalo laban sa UST Tigresses para sa kanilang ikaapat na su­nod na panalo.

Maagang namahinga sa liga ang Ateneo dahil kinatawan nila ang UAAP sa 17th ASEAN University Games sa Palembang, Indonesia at umani ng bronze medal.

Si Alyssa Valdez na siyang nanguna sa laban sa ASEAN University ang muling magdadala ng trangko sa Lady Eagles para manatiling na­katuon sa pangunguna ma­tapos ang first round.

Tiyak na pinaghanda­an ito ng Lady Maroons na may respetadong 2-3 baraha.

Pinabagsak ng UP ang UST, 3-1, at UE, 3-0, at sasandal sa ga­ling nina Nicole Anne Tiam­zon, Katherine Ad­rielle Bersola  at Angeli Pauline Araneta para ha­gi­pin ang ikatlong panalo sa huling apat na laro.

Gaya ng Ateneo ay de­terminado rin ang La Salle na manalo sa UE at pagsisikapang wa­ka­san ang limang sunod na kabiguan.

Ang nangungunang sco­rer sa liga na si Ara Galang (105 puntos) at depensa ni Mika Reyes ang huhugutan ng La Salle upang makuha ang panalo at momentum papasok sa huling la­ro laban sa karibal na Ate­neo sa Enero 11 sa Mall of Asia Arena sa Pasay City.