PSL opening sa Mayo 16 libre sa fans

MANILA, Philippines - Bilang pasasalamat sa kanilang mga fans ay ma­giging li­bre sa publiko ang pagbu­bukas ng PSL 2014 All-Filipino Confe­rence sa Ma­yo 16.

Ito ang inihayag ng Phi­lippine Superliga  para sa pagsisimula ng nasa­bing torneo sa Cuneta As­trodome sa Pasay City.

Sinabi ni Ramon ‘Tats’ Suzara, ang PSL president at pinuno ng nag-o­or­ganisang Score, na ang mga free tickets ay ipa­mi­­migay simula bukas ng alas-9 ng umaga hanggang alas-5 ng hapon sa Score office sa Unit 220, Vi­to Cruz Tower 1, 720 Vi­to Cruz, Malate Mani­la sa harap ng Philippine Sports Commission buil­ding sa Rizal Memorial Sports Complex.

Ang mga fans ay ma­­aaring tumawag sa 3533935 at hanapin si An­gel para sa tiket.

“It’s our way of than­king the volleyball fans who trooped to our ve­nues in all of the games we held last year,” sabi ni Su­zara.

Ang two-conference champions na Philippine Ar­my, dadalhin ang pa­­ngalan ng Generika Drugstore, ang magiging paborito sa torneo.

Inaasahan namang hahamon sa Lady Troopers ang Cignal HD Spikers na nakalaban nila para sa korona ng nakaraang In­vitational at Grand Prix.

Ang bagong kopo­nang Air Asia Flying Spi­kers ni team owner Mikee Ro­mero, babanderahan ni two-time UAAP MVP Abbie Maraño, ang sinasabi ring magiging title con­tender.