Hiyasmin (267)
“ANO pa ang mga nalaman mo kay Maryam, Siony? May asawa na ba siya? May pamilya na?’’ sunud-sunod na tanong ni Lira.
“Wala akong nabalitaan kung may pamilya na si Mam Maryan basta ang nalaman ko, nasa U.S. at nagtuturo sa isang kilalang unibersidad doon.”
“Saan kayang state?”
“Hindi na nasabi, Lira.”
“Hanggang dun na lang ang nalaman mo ukol sa kanya?”
“Oo Lira. Kasi ang mga sumunod na ay ang biglaan ko nang pag-alis sa aking amo.”
“Bakit biglaan ang pag-alis mo?”
“Nagtungo naman sa Australia ang mga amo ko—dun pag-aaralin ang mga anak. Kailangan ko nang umalis.”
“Bakit hindi ka isinama sa Australia?”
“Hindi ganun kadali, Siony.”
“So nawalan ka na ng trabaho?’’
“Oo. Balik Pinas na ako. Meron naman akong naipon kaya nakapagtayo ako ng negosyo—awa ng Diyos, kumikita na.”
“May pamilya ka na?”
“Single parent ako. Dalawa ang anak ko.”
Napatango na lang si Lira.
“Wala na akong maikukuwento, Lira. Pero malay mo, isang araw ay may malaman ako tungkol kay Mam Maryam.”
“Sana mangyari yun, Siony.”
“Malay mo.”
“Gusto ko siyang makita, Siony.” (Itutuloy)
- Latest
