Suklam (12)
Sinubaybayan ni Brent ang kilos ng mister ni Vivian. Gusto niya itong kaibiganin. Ngayon na ang tamang pagkakataon.
Nang makita niyang tumayo ang mister at tinungo ang comfort room, mabilis na tumayo si Brent at nagtungo sa comfort room.
Naabutan niyang dumidiyinggel ang mister ni Vivian.
Tinabihan ni Brent.
“Kumusta Sir?’’
“Hi, kumusta?’’
“Ikaw pala Sir ang mister ni Vivian.’’
“Oo. Kilala mo ako?’’
“Lagi kitang nakikita Sir ‘pag-Sabado.’’
“Ah oo.’’
“Ako Sir si Brent—sa Documentation department.’’
“Glad to meet you Brent, I’m Julio.’’
“Glad to meet you Sir Julio.’’
“Julio na lang, Brent.’’
Natapos sila sa pagdyinggel. Sabay silang naghugas ng kamay sa lababo.
“Marami ba kayong nag-oobertaym ‘pag Saturday, Brent?’’
“Mga ten po kami more or less Sir.’’
“Pawang lalaki?’’
“Opo.’’
Napatango si Julio at nag-isip.
Ba’t kaya ganun ang tanong ni Julio, naisip ni Brent.
Hindi kaya naghihinala na si Julio kay Vivian? Naaamoy na nito “milagrong” ginagawa sa stockroom kapag Sabado? Baka may nakapagsabi na kay Julio sa ginagawa ni Vivian at Oscar.
“Nice meeting you Brent,’’ sabi ni Julio nang makalabas sila sa CR.
“Same to you, Sir Julio, este Julio pala.’’
Tumalikod na si Brent pero tinawag uli siya ni Julio.
“Brent, sandali.’’
(Itutuloy)
- Latest
