Kaibigan (50)
“T-tanggap ko na n-naman ang nangyari sa akin kaya g-gusto ko iuwi n’yo na a-ako. M-Mag-aaksaya lang tayo ng pera at panahon dito pero wala namang mangyayaring pagbuti sa akin. Umaasa na lamang ako sa awa ng Diyos,’’ sabi ni King sa paputol-putol na pagsasalita.
Umiyak si Lara.
Nakatingin lang si Dex kay King. Humahanga siya sa kaibigan. Tanggap na nito ang mangyayari sa kanya. Umaasa na lang ng awa mula sa Diyos.
Nagsalita muli si King.
“A-ayaw kong M-makita kayo na nalulungkot. Ayaw kong baunin ang malulungkot na alaala. Gusto ko masaya kayo. Maasahan ko ba, Dex, Lara?’’
“Oo King. Maaasahan mo. Hindi kami malulungkot.’’
“S-Salamat Dex. Iuwi n’yo na ako bukas ha? Mas gusto ko sa bahay. Mas nasisiyahan ako roon.’’
“Oo King. Bukas iuuwi ka na namin.’’
“Salamat Dex.’’
Kinabukasan. Iniuwi na nina Dex at Lara si King sa bahay.
Masaya si King.
“Dito ko gustong mamatay.’’
“Huwag ka na munang magsalita King,’’ sabi ni Lara.
“N-Natutuwa lang ako.’’
Isang umaga, kinausap ni King si Dex.
“Dex, palagay ko hindi na ako tatagal. Ikaw na ang bahala kay Lara. Huwag mo siyang pababayaan Ipangako mo Dex.’’
“Ipinangangako ko King. (Itutuloy)
- Latest
