Ahas sa garden (251)
NANALO si Brenda. Dalawang sunod pa. Tuwang-tuwa siya!
Hinanap agad ang lalaking nagpautang sa kanya ng P500 thou at binayaran.
“Sabi ko sa’yo mananalo ako at babayaran kita,” sabi niya sa lalaki.
“Pag kinailangan mo ang tulong ko sa mga susunod, narito lang ako.’’
“Sure. Pero hindi na kailangan. Hindi na ako masu-short,’’ sabi ni Brenda sabay iwan sa lalaki.
Napangiti lang ang lalaki habang tinitingnan ang palayong si Brenda.
SUMUNOD na araw, nasa casino na naman si Brenda. Pero sa pagkakataong ito, marami siyang baon na pera. Dinala rin niya ang mga mamahaling alahas. Nagkaroon na siya ng leksiyon nang nagdaang gabi na kailangan pa siyang pahiramin ng lalaking lumapit sa kanya. Hindi na niya kailangan ang tulong ng lalaki. Pangmagdamagan ang baon niya.
Pero kahit pala napakarami ng baong pera kung nakatakda naman ang sunud-sunod na pagkatalo, balewala rin. Nasimot ang baon niya dakong madaling araw. Parang hinipan ng hangin na lumipad ang milyones niya.
Gusto niyang bumawi pero wala na siyang pera. Noon muling lumapit ang lalaking nagpautang sa kanya kahapon.
“Kailangan mo uli ng pera, Miss?’’
“Oo! Babawi ako!’’
Binigyan ng lalaki si Brenda.
Isinugal muli ang pera pero natalong muli. Tumigil na si Brenda.
“Paano mo ako babayaran?” tanong ng lalaki.
“Walang problema. Babayaran kita sa condo. Naroon ang pera ko.’’
“Tena sa condo mo.’’
(Itutuloy)
- Latest