Ahas sa Garden (166)
“SUNDAN natin ang bakas ng dugo at tiyak na makikita natin ang ahas na si Alexis!” sabi ni Sir Nath.
Pero hindi nila nasundan ang bakas ng dugo sapagkat biglang nawala. Parang pinunasan na ito para hindi masundan.
“Sigurado ka bang napuruhan mo siya, Babe?’’
“Oo. Sa dibdib ang tama niya. Mayroon din siyang sugat sa braso. Nang iwan ko, naghihingalo na!’’
‘‘Pero ba’t biglang nawala? Baka akala mo lang ay napuruhan siya at nagpatay-patayan.’’
‘‘Hindi! Sa galit ay talagang sinigurado ko ang saksak sa rapist na yun!’’
“Sabagay, kung nakalabas man siya rito, maaaring maubusan din siya ng dugo at mamatay.’’
“Ang hula ko, tinulungan siya ni Manang na makalabas dito. Magkasabwat nga sila, Babe. Isa pang ahas ang matandang yun. At tumawag pa pala sa’yo at isinusumbong na may relasyon kami ng ahas na si Alexis! Napakawalanghiya! Parehong ahas ang mga nakuha mong katulong sa bahay na ito!’’ At bumunghalit ng iyak si Brenda. Nayugyog ang mga balikat nito dahil sa pag-iyak.
Naawa si Sir Nath.
Pinayapa niya ito.
‘‘Huwag ka nang umiyak, Babe. Sige ipagpatuloy pa natin ang paghahanap at baka nagtatago lang sa mga kuwarto rito sa basement.’’
Hinalughog pa nila ang mga kuwarto na ginagawang tambakan ng mga lumang gamit.
Pero wala roon.
Pati ang kuwarto na malapit sa kitchen na ginagawang tuluyan ng mga bisita ay tiningnan nila.
Pero wala silang nakita. Maski bakas ng dugo ay wala silang napansin doon.
Hanggang sa may naalala si Sir Nath.
‘‘Sa swimming pool! Baka nasa paligid ng swimming pool ang ahas na si Alexis.’’
“Oo nga! Baka nga naroon siya Babe!”
Halika, puntahan natin, dali!’’
Dali-dali silang lumabas ng bahay at tinungo ang swimming pool. (Itutuloy)
- Latest
