Sadiq (97)
HINDI naman inaasahan ni Sadiq na may maganda palang plano ang tatlong anak sa bubuksan nilang negosyo. Sa totoo lang, wala sa hinagap nina Sadiq at Gina na makakatulong nila ang mga anak.
Nagulat ang mag-asawa ng tanghaling dumating ang mga anak mula sa school.
Nagtanong ang panganay na si Cath, “Dad, sino po ang magtitinda sa ating food stall at sino rin ang magluluto ng fries?’’
“E di ako. Madali lang naman yun. Napag-aralan ko na nga sa mga seminar na nadaluhan ko. Ako na rin ang cashier. Madali lang, yakang-yaka!’’
“Dad, naisip namin nina Jess at Myrr na kami ang magtitinda paglabas ng namin ng school. Halimbawa ako, paglabas ko ng ganitong oras, deretso na ako sa stall natin. Paglabas naman ni Jess, siya naman at ganundin si Myrr. Tutulong po kami, Dad. Kaya na namin yan.’’
Hindi nakapagsalita si Sadiq at Gina sa sinabi ni Kath. Hindi nila akalain na mayroon palang balak ang mga anak. Nakikita pala ng mga ito ang kalagayan nila na kailangang magtulung-tulong para madagdagan ang kita lalo pa’t nagpapagamot ang ina.
‘‘Baka naman maapektuhan ang studies n’yo?’’
“Hindi po, Dad,” sagot ni Jess. “Sa gabi naman po ang pag-aaral namin ng lesson.’’
‘‘Oo nga Daddy, sa gabi kami mag-aaral para hindi bumaba ang aming grades.’’
“Salamat sa inyo mga anak. Ang suwerte talaga namin ng mommy n’yo. Mababait, matatalino at matulungin pa.’’
‘‘Oo nga napakasuwerte namin ng daddy n’yo. Palagay ko nga, yayaman na tayo dahil sa Sadiq Friessarap. Kayo ang magpapalakas dito.’’
Niyakap ni Gina at Sadiq ang tatlong anak.
Masayang-masaya ang mag-asawa.
(Itutuloy)
- Latest