Audition ng mga bulilit...dinagsa; Internet child star, papasa

Ay dinagsa pala ng mga bulilit ang ABS-CBN para mag-audition sa ibabalik na gag show na Goin’ Bulilit kahapon ng umaga.

As in puno raw ang compound ng ngayon ay mas kilalang content provider, ang ABS-CBN.

Sa true lang, ang dami pa ring gustong mag-artista mula bata, kahit pa mayaman.

Iba nga ang attraction ng showbiz kahit sinasabing mabilis ding sumikat sa digial platforms.

Pero sa totoo lang, swak sa pagbabalik ng Goin’ Bulilit si Jette Blackman.

Si Jette ay anak ng sikat na content creator at internet sensation na si Jeraldine Blackman - Blackman Family vlog kasama ang kanyang asawang Australian na si Josh Blackman at dalawang anak na sina Nimo at Jette.

Payag si Jeraldine na mag-showbiz si Jette kung sakali.

Nakausap ng ilang member ng entertainment media ang mag-ina nang i-launch si Jeraldine bilang pinakabagong celebrity ambassador ng Beautéderm Corporation ni Miss Rhea Anicoche-Tan.

Very showbiz na si Jette at natural ang acting.

Kahit na noon palang tumira sila sa Australia ay nakaranas sila ng discrimination and racism.

Chika ni Jeraldine, mga kapwa Asian daw nila nakaranas ng racism at discrimination noong mga unang taon nila sa Australia.

“Nimo is in grade 1 now, but before when he were starting school, nu’ng nasa pre-school siya, tapos, kaunti lang kasi ang Asians du’n sa school na napuntahan niya.

“And then Nimo would come home telling me that, ‘oh mama, they won’t play with me because I have like little eyes. Kasi ‘yung eyes niya super-little, pero parang Korean kasi siya,” pagbabalik alala niya.

“Everyone was playing but they’re not playing with him (Nimo) kaya ang sakit ng loob.”

Sa ngayon ay wala na ‘yun.

Tanggap na tanggap na sila lalo na at popular sila sa social media.

Ineendorso niya ang Beautederm products na Cristaux Retinol Serum, Cristaux Zerum Hydra-Beauty, and Cristaux Vitamin C Serum.

Ayon naman kay Ms. Rei, marami silang magiging partnership ni Jeraldine : “Jeraldine marks Beautéderm’s 15th anniversary. She’s the perfect influencer to do it. But it’s just the beginning. We will announce more surprises soon as part of this big milestone. We thank our consumers for their loyalty and support,” lahad ni Miss Rei.