Kinabuhi sa iyang Lola Pilita: Janine mo-produce og documentary
CEBU, Philippines — Si Janine Gutierrez maoy producer sa giluto nga documentary kalabot sa kinabuhi sa iyang apohan nga “Asia’s Queen of Songs” nga si Pilita Corrales.
Kauban niya sa pag-produce niini mao sila si Raymond Ang ug Chuck Gutierrez, inabagan usab sa award-winning director nga si Baby Ruth Villarama nga direktor sa Sunday Beauty Queen.
“I’ve always felt a deep responsibility to help preserve Mamita’s amazing legacy and I hope this project becomes another way for younger generations to learn about her story—not just as a legendary performer, but as a woman who defied expectations and truly paved the way,” ni Janine pa.
Sheree moundang na sa pagpakita og boobs
Moundang na sa pagpa-sexy ang aktres ug kanhi miyembro sa Viva Hotbabes nga si Sheree isip pagtuman sa tambag iyang anak nga lalaki nga undangan na ang maong butang. Matud pa sa aktres nga likayan na gyud niya ang pagpakita sa iyang boobs .
Nagpasalamat siya sa Viva sa tanang proyekto nga iyang nadawat apan panahon na nga moundang na siya sa pagdawat og sexy projects isip pag-respeto sa hangyo sa iyang anak.
Mosang gitabangan ni Juday
Ang aktres nga si Judy Ann Santos maoy usa sa mga nitabang ngadto sa komedyanteng aktres nga si Mosang sa panahon nga nag-antos kini sa kalisod.
"Dumating ako sa time na nagkasakit ‘yong nanay ko. Wala akong pambayad ng ospital. So, isang kaibigang artista ang nilapitan ko ..si Juday. She’s always been there for me even after pandemic. I’m so blessed of with good friends,” ni Mosang pa atol sa guesting niya sa vlog ni Ogie Diaz. Nagsugod ang panaghigalaay nila ni Judy Ann ug Mosang sa dihang nagkauban sila sa teleseryeng “Esperanza".
Inahan ni Gigi mipanaw
Masulub-ong gipahibalo sa singer nga si Gigi de Lana nga nipanaw ang iyang inahan nga si Imelda de Lana niadtong Martes sa gabii, Mayo 14, 2024.
"Salamat sa lahat ng dasal niyo kay mama.She passed away at 9:19 pm May 14, 2024. Mahal na mahal kita mama.Pahinga ka na," social media post sa singer . Naatol kini nga naa sa Amerika si Gigi alang sa iyang concert tour.
Kahinumdoman nga sa niaging adlaw, samtang nag-perform si Gigi sa usa sa iyang mga konsyerto , gibutyag niini nga nalandig sa tambalanan ang iyang inahan ug naa kini sa intensive care unit (ICU) .
Niadtong 2023, una na nga gibutyag ni Gigi nga dunay stage four breast cancer ang iyang inahan.
The Voice Teens Season 3: Steph, Yen ug Jillian, magtigi sa grand finals
Nagkadoul na lang ang adlaw kun diin mahibaw-an na kun kinsa nila ni Steph, Yen, ug Jillian ang matuboy nga grand champion sa "The Voice Teens" nga mahitabo karong Sabado ug Domiggo (Mayo 18 ug 19) ug makita sa A2Z, TV5, ug Kapamilya Channel.
Sa niaging episode , napili na nila coach Martin Nievera, KZ Tandingan, ug Bamboo, ang Final 3 teen artists nga mag-atubang sa grand finals. Una na nga niabante sa final round ang MarTeam hopeful nga si Steph Lacuata sa Oriental Mindoro human nakakuha og 59.12% combined coach ug audience score batok sa co-teen artist nga si Colline Salazar nga nakaangkon og 40.88%.
Samtang sa Team Supreme ni KZ, nakuha ni Yen Victoria sa Pangasinan ang 50.64% nga grado kumpara sa 49.36% ni Phia Carandang.
Nikulit pud og 60.30% nga grado ang taga Bukidnon nga si Jillian Pamat nga gikan sa Kamp Kawayan ni Bamboo.
Mapaubsanon
Ang pagka-mapaubsanon ug kahibalo molantaw sa iyang kagahapon maoy pamaagi ni Darrent Espanto nga magdugay siya sa showbiz. Gisaulog ni Darren ang iyang 10th anniversary sa showbiz ug kanunay gyud niya sundon ang tambag sa iyang ginikanan nga dili gyud maghinambugero .
Vivamax King
Ginganlan og Vivamax King ang aktor nga si Benz Sangalang. Niulbo ang maong titulo sa trailer sa pelikula niya nga Balinsasayaw. Nahimout pag-ayo si Benz sanglit nagpakita kini nga nahatagan gyud niya og hustisya ang mga proyekto niya sa Vivamax.
Wala nagkauyab
Hugtanong gihimakak ni Kelvin Miranda nga matud pa duna sila'y tinagoang relasyon kaniadto ni Kira Balinger. Suma pa sa aktor nga soud lang gyud sila ug komportable sila sa usag-usa.
- Latest
