Liza, nag-juror at presentor sa Vietnam

Ibang level na...

Rumampa si Liza Soberano sa Ho Chi Minh International Film Festival.

Bilang isang juror base sa kanyang post. Naging presentor din.

Ayon sa online reports siya ay ipinakilala bilang isa sa mga juror for First and Second category.

Naging co-judges din doon ang Oscar-winning editor ng Whiplash, ang Vietnamese-American Tom Cross, si John Badalu na isang producer, at director Nguyen Thanh Van at New York Asian Film Festival Executive Director Samuel Jamier.

Naging presentor nga rin ang Lisa Frankenstein star sa Best Actress award.

At least, ramdam naman na nagbubunga na ang pakikipagsapalaran ni Liza sa Hollywood.

iWantTFC, mainit-init na picks ngayong tag-init

Grabe ang init. At mas madarama ang summer sa hatid na title picks ng iWantTFC, ang home of Filipino stories, tampok ang mga serye at pelikulang swak ngayong tag-init na mapapanood nang libre at on-demand.

Mapapa-beach ang mga manonood sa iWantTFC originals na Beach Bros nina Kyle Echarri at Chie Filomeno, at horror island series na Fractured ng tambalang Francine Diaz at Seth FedelinTodo-kilig naman ngayong tag-init ang hatid ng ilang summer iWantTFC picks, tulad ng Kapamilya classic na Tabing Ilog, ang mainit-init na romansa nina Gerald Anderson at Yam Concepcion sa Init sa Magdamag, at ang nag-trending na BL reality dating series na Sparks Camp.

Maliban pa rito, mas iinit pa ang summertime viewing ng mga manonood sa mga pelikulang tampok ngayong buwan sa iWantTFC, tulad ng sexy comedy hit na Abay Babes, intense island affair sa Sin Island nina Xian Lim, Coleen Garcia, at Nathalie Hart, pati ang ganda ng isla ng  Siargao nina Jericho Rosales at Erich Gonzales.

Swak din sa tag-init ang nakaaaliw na tambalan nina Gerald at Arci Muñoz sa lovers-turned-friends comedy-drama na Can We Still Be Friends,  at ang generational love story nina Piolo Pascual, Coleen Garcia, at Dawn Zulueta sa Love Me Tomorrow.

At dahil getaway season ang tag-init, perfect din sa summer viewing ang hatid na lifestyle shows ng iWantTFC—tampok ang magagandang mga beach resort sa Pinas at abroad sa Beached, masayang food trip kasama ang kinagigiliwang stars sa The Crawl, at ang hidden gem Pinoy destination adventures nina Robi Domingo at Sue Ramirez sa iWantTFC original travel series na Unlisted.

Lahat  ng ito, libreng mapapanood sa iWantTFC sa official app nito (iOS at Android) at website (iwanttfc.com).

Marami-rami pang summer picks sa iWantTFC ngayong Abril sa ilang curated selections nito, tulad ng Hot Bods, April Fresh Finds, Destination, Love at iba pa.