CEBU, Philippines — Taod -taod na nga giintriga ang singer -actor nga si Darren nga matud pa duna sila'y relasyon ni Cassy Legaspi . Suma pa ni Darren nga bestfriend niya si Cassy apan dili gyud malikayan nga kanunay sila sungogon sa ilang fans.
Serena nanganak na
Gihimugso na ni Serena Dalrymple ang una niya nga liwat sa niaging adlaw. Puwerting lipaya sa kanhi child star alang sa bag-ong hugna sa iyang kinabuhi.
Wala mosaler
Dunay nangabot nga mga bag-ong endorsement si Daniel Padilla. Wala mosaler ang istorya sa mga kritiko sa aktor nga matud pa namingaw ang career niini sukad sila nagkabuwag ni Kathryn Bernardo.
Kaanyag ni Ryzza milutaw
Nakadawat og mga pagdayeg ang pagka-blooming sa “Eat Bulaga” star nga si Ryzza Mae Dizon.
Suma pa sa iyang supporters nga ni-epekto gyud ang glow-up sa aktres.
Bag-ohay lang nibakasyon si Ryzza sa San Antonio, Zambales ug gipaambit niya sa Instagram ang iyang travel photos ug dinhi nabatyagan ang paglutaw og samot sa iyang kaanyag.
Pelikula sa "KathDen" sugdan karong Agosto
Niulbo ang chika nga sugdan na karong Agosto 2024 ang shooting sa reunion movie nila ni Kathryn Bernardo ug Alden Richards ug sa Canada pagahimoon ang mga eksena niini. Dunay mga pagduda nga posibleng sequel kini sa pelikula nila kaniadto nga Hello Love Goodbye .
Kahinumdoman nga sa katapusang bahin sa maong pelikula ,ang karakter ni Kathryn isip Joy kay gikatakdang motikang sa Canada aron magamit ang iyang propsesyon isip nurse.
Marian proud sa iyang pagka-stage mother
Aminado si Marian Rivera nga stage mother gud siya sa duha ka anak nila ni Dingdong Dantes nga sila si Zia ug Sixto .
“Kasi pag may mga ganap ‘yung mga anak ko sa school, pakiramdam ko ay, alam mo ‘yun, normal na nanay ka na nagche-cheer para sa mga anak mo,” saysay pa Marian ngadto sa GMA News.
Matud pa sa aktres nga grabe gyud siya mo-cheer sa iyang mga anak ug wala na siya'y paki sa iyang mga aksyon. Nagkatawang gibutyag ni Marian nga dunay higayon nga gibadlong siya sa iyang anak nga dili magpalabi og kusog sa iyang tingog.
Nanawagan og sustento sa anak
Gipahimagnoan ni Pokwang ang iyang kanhi hinigugma nga si Lee O’Brian nga dili kalimtan ang suporta niini ngadto sa ilang anak nga si Malia.
Suma pa niya nga kinahanglan gyud ang suporta ni Lee ug dili lang kutob sa pag-party ug pagduwa og golf.
Una na nga nigawas ang taho nga dunay bag-ong hinigugma ang kanhi partner ni Pokwang.
Shaira ug Lenka nagkasinabot na
Gibutyag sa singer nga si Shaira Moro nga i-release na sa nagkadaiyang streaming platforms ang viral song niya nga 'Selos' human nakabaton na sila og kasabotan sa kampo sa Australian singer-songwriter nga si Lenka.
"Wala pong kaso na isinampa laban sa amin [si Lenka]. Sa katunayan, naging mahinahon at mapayapa ang paguusap namin ng kampo ni Lenka, at nauwi po ito sa pagkakaroon ng kasunduan hinggil sa pamamaraan ng muling paglabas ng kanta sa mga online streaming platforms," saysay pa ni Shaira .
Kahinumdoman nga gitangtang kaniadto ang awit nga 'Selos' sa pipila ka streaming platforms gumikan sa copyright issues human gigamit niini ang melody sa awit ni Lenka nga 'Trouble is a Friend.'
Rochelle naghisgot sa nabungkag nga SexBomb Dancers
Giangkon ni Rochelle Pangilinan nga kalit ra gyud kaayo ang pagkabungkag sa ilang grupo kaniadto nga SexBomb Dancers ug walay tataw nga closure.
“Wala kaming closure hanggang ngayon... Bigla na lang kaming parang, nawala,” saysay pa ni Rochelle sa sa vlog ni Toni Gonzaga nga “Toni Talks.”
Giingong dunay mga nahitabo nga wala nila damha kaniadto.
" May nangyari sa amin na ’di ba nag-away, parang nagkaroon ng hindi pagkakaintindihan ang mga boss natin sa Eat Bulaga saka si Ate Joy. .....Tapos parang nagkabababaan daw ng telepono, sabi ko, ‘Hala, umabot na sila sa ganyan, anong gagawin namin bukas?’ 'Yung ganon,”ni Rochelle pa.
Tungod sa giingong kakulian sa ilang management ug sa Eat Bulaga kaniadto,giingong wala na sila mobalik sa maong noontime show.
“Nung hindi na kami pumasok sa Eat Bulaga, nagpa-audition sila ng mga dancers. Parang nagpa-contest… Tapos this time, magaganda, bata, syempre ang sakit-sakit ’nun sa’min. Parang ’Ah, magaganda. ‘Di naman namin kasalanan yung kayo-kayo nag-away eh.’ Parang pinalitan niyo naman kami. Ganu’n yung feeling namin kasi bata eh. Tsaka lahat ng SexBomb competitive eh,” ni Rochelle pa .
Nagpabilin nga lig-on ang panaghigalaay sa mga miyembro sa maong grupo , gani dunay mga higayon nga nag-bonding sila.