Gipasanginlan nga maldita

CEBU, Philippines — Gikataw-an lang ni Maine Mendoza ang pasangil sa ubang tawo nga matud pa siya ang gipasabot sa nigawas nga blind item nga dunay TV host nga gi-ban sa usa ka beauty clinic tungod sa kamaldita niini.  "Ako agad? ," nagkatawang reaksyon ni Maine kinsa nihimakak sa maong isyu.

Moatiman sa inahan

Nakahukom na si Bimby Aquino Yap nga moistar sa Amerika aron moatiman  sa iyang nasakit nga inahan nga si Kris Aquino. Gipadaplin lang una niya ang iyang plano kaniadto nga mosulod sa showbiz.

Ahron mibalik  sa showbiz

Masaligon si Ahron Villena nga  moaktibo napud og balik ang iyang showbiz career gumikan sa tabang sa talent management arm sa GMA Network nga Sparkle. Bag-ohay lang nipirma og kontrata si Ahron sa maong talent agency. 

Six Part Invention dunay latest single

Hingpit na nga gi-release kagahapon  sa Pop-rock band nga  Six Part Invention ang ilang  latest single nga "Tama Pa Ba?" nga madungog sa nagkadaiyang  music streaming platforms.

Ang  lyrics video niini   kay naka-upload sa  official YouTube page sa Star Music.  Gi-compose nila ni Jeremy Glinoga ug Kiko "KIKX" Salazar  ang "Tama Pa Ba?".

Ang Six Part Invention kay regular nga tig-perform sa  mga programa sa  ABS-CBN nga sama sa "Everybody Sing," "It s Showtime  ug "ASAP Natin 'To."