Most Beautiful Woman
CEBU, Philippines — Gisaulog sa Kapamilya actress nga si Alexa Ilacad ang iyang 24th birthday niadtong Lunes ug nakadawat siya og espesyal nga mensahe gikan ni KD Estrada . Gihulagway ni KD ang aktres isip "most beautiful woman in the world".
Dili magsalig
Determinado ang anak ni Vhong Navarro nga si Yce Navarro nga makaestablisar sa iyang pangalan sa showbiz nga dili magsalig sa iyang amahan. Nalakip si Yce sa FPJ's Batang Quiapo nga gibidahan ni Coco Martin.
Take Me To Banaue
Nalakip si Thea Tolentino sa pelikulang Take Me To Banaue. Siya ang nidala sa role nga negosyante nga makabarog ra sa iyang kaugalingong paningkamot. Kauban niya sa maong pelikula sila si Maureen Wroblewitz ug ang American actor nga si Brandon Melo .
Debut single ni Keisha gipalanog na
Ang paghatag og kagawasan sa tawong gihigugma maoy nagtangag nga mensahe sa debut single ni Keisha Paulo nga “Hanggang Ngayon Na Lang.”
Si Keisha kay kanhi “Tawag ng Tanghalan” contestant .
Ang maong awit kay ubos sa ABS-CBN record label nga Star Music , ug sinulat kini ni Thyro Alfaro .
“It’s about a person who is struggling to let go of someone they love. I think that is relatable to many, I myself also experience that kind of heartache. I’m very thankful to Thyro that he chose me to interpret this song,” matud pa niya.
Gawas niini , gikatakdang ilusad ni Keisha ang iyang unang album karong tuiga nga dunay mensahe sa gugma ug mental health.
“Most of the songs that you’re gonna hear speak about love, broken relationships, and mental health issues. It also plays around the genre of pop, soul, and R&B,” ni Keisha pa.
Madungog ang debut single ni Keisha nga “Hanggang Ngayon Na Lang” sa nagkadaiyang digital music streaming platforms.
"Best in tigom" alang sa kasal
Gitigoman og maayo nila ni Edgar Allan Guzman ug Shaira Diaz ang ilang umaabot nga dream wedding karong 2026.
Medyo taod-taod pa mahitabo ang maong espesyal nga okasyon sa ilang kinabuhi , tungod sa katuyoan nga makatigom og taman alang sa usa ka engrandeng kasal.
Mikomedya si Edgar Allan nga unta hatagan pa siya og daghang showbiz projects aron madugangan pa ang iyang pundo alang sa umaabot nga kasal nila ni Shaira.
- Latest
