Korina, kakandidatong senador sa 2025?!

Totoo ba ang bulung-bulongan na tatakbo raw sa pagka-Senador si Miss Korina Sanchez?

At kahit hindi financially rewarding ang pagpoproduce ng sarili niyang show, ito ay nagpapakapit sa isip ng tao na siya ang ating Kabalitaan, Kaibigan, at Kakampi.

Kahit limitado ang reach ng ABS-CBN at TV5 at Kapamilya Channel?

At least may exposure siya - at may Net25 pa, hindi na natin kinukwestion pa ang power ng INC votes, di ba?

Kung sakali man, mas nainam na si Korina kaysa sa ilang nakaupo ngayon sa Senado, di ba?

Planong pagse-senador ni willie, pahulaan pa!

Si Kuya Willie Revillame tuloy na rin ba sa pagtakbo? Biglang naglalabasan na ang may interes tumakbo ngayon dahil malapit na namang ilabas ang results ng new survey period.

Kaya matetest natin ang approval rating sa kanila ng mga tao kung nasa winning circle sila o lotlot!

Bukod kay Kuya Wil, sinu-sino pa ba sa showbiz ang nagbabalik tumakbo for Senate sa 2025?

That is, kung may Senate pa ba by then?

Liza, nami-miss ng fans

 Ang ganda lang talaga si Liza Soberano sa nakaraang Screen Actors Guild Awards sa Hollywood. Although namimiss na rin siya ng mga fans niya rito sa Pinas, ano sa tingin n’yo, mas pang Hollywood na ba si Liza o dapat gumawa pa rin siya ng project dito sa bansa?

Honesty, may babalikan pa ba siyang career dito sa atin?

Ano ang magandang re-entry project sa kanya?

Mariel nag-iba ng statement

Still on the IV Drip ni Mariel Padilla, fine, nagsorry na siya sa senado nang walang if and buts.

Pero ang tanong pa rin ng ilan na nag review ng unang post ni Mariel na ang drip daw ay “for collagen production, whitening and other benefits” sabay tinag pa niya ang beauty drip clinic sa original post.

So Vitamin C ang itinurok sa kanya talaga, ganern?

Walk of Fame, maraming bagong stars

Tuloy na talaga ang Induction ng mga bagong bibigyan ng stars para sa Walk of Fame Philippines ng Foundation ni Kuya Germs. Gaganapin ito sa March 6, 5:30 pm sa Eastwood

Kasama sa bibigyan ng parangal sina Cathy Yang at Lhar Santiago (News and Public Affairs), Joel Reyes  Zobel (Radio), Atty. Felipe Gozon, Belle Mariano, Donny Pangilinan, Johnny Manahan, Luis Manzano, Michelle Dee. Richard Yap, Sanya Lopez, Wilson Y. Tieng (Television), Baron Geisler, Brillante Mendoza, Tony Y. Reyes, Vic Del Rosario (Films), ­Rivermaya, The Dawn (Music) , Small Laude (Social Media) at Menchu Lauchengco (Theater).

Leveling ba? Oh well, kung gusto niyong umapela sa napili nila, gumawa na lang kayo ng sariling Walk of Fame sa kalsada o property n’yo, di ba?

Pero ano na nga pala yung nangyari sa parang Junior Walk of Fame na ginawa noon sa area ng GMA7, nandun pa ba yun?

Nakakata-quote:

“We are still here because we choose to love. We choose us.” - Luis Manzano - 3rd Wedding Anniversary