Kathryn at Andrea, magkakasubukan ng lakas

Muling kikilalanin ng Push Awards 2023 ang mga sikat na personalidad na nagbigay saya at inspiras­yon sa fans sa online world sa pamamagitan ng kani-kanilang mga plataporma at programa.

Maaaring nang bumoto mula sa 12 na kategorya sa push.abs-cbn.com/vote hanggang Marso 15.

Iaanunsyo naman ang mga nanalo sa isang virtual awarding ceremony sa Marso 22.

Nominado sa Popular Love Team of 2023 category sina DonBelle (Donny Pangilinan at Belle Mariano), FranSeth (Francine Diaz at Seth Fedelin), BarDa (Barbie Forteza at David Licauco), KDLex (KD Estrada at Alexa Ilacad), at KaoMiah (Jeremiah Lisbo at Kaori Oinuma).

Nariyan din ang real-life couples na ipinamalas ang ‘couple goals’ kahit sa likod ng camera na nominado para sa Power Couple of 2023 tulad nina Marian Rivera at Dingdong Dantes, Vice Ganda at Ion Perez, Sarah Geronimo at Matteo Guidicelli, Loisa Andalio at Ronnie Alonte, at Pia Wurtzbach at Jeremy Jauncey.

Kikilalanin naman ang mga artistang ipinamalas ang kanilang ang­king talento sa pag-arte sa Favorite Onscreen Performance of 2023 for Television kung saan nominado sina Kim Chiu (Linlang), Kaila Estrada (Linlang), Maris Racal (Can’t Buy Me Love), Zaijian Jaranilla (Senior High), at Jennica Garcia (Dirty Linen).

Maglalaban-laban naman para sa Favorite Onscreen Performance of 2023 for Film sina Piolo Pascual (Mallari), Kathryn Bernardo (A Very Good Girl), Dingdong Dantes (Rewind), Charlie Dizon (Third World Romance), at Elijiah Canlas (About Us But Not About Us).

Para sa Social Media Personality of 2023, magtatapatan ang mga indibidwal na walang sawang naghatid ng good vibes sa kanilang followers tulad nina Andrea Brillantes, Kathryn Bernardo, Heart Evangelista, KC Concepcion, at Bretman Rock.

Nominado naman para sa Content Creator of 2023 sina Ivana Alawi, Kristel Fulgar, Melason, Slater Young at Kryz Uy (SkyFam), at Ninong Ry para sa kanilang nakakaantig at makabuluhang mga video.

Sina Andrea Brillantes, Francine Diaz, Sassa Gurl, Kyline Alcantara, at Niana Guerrero ang mag-aagawan sa titulong Trending TikToker of 2023, habang pwede na ring ipakita ng fans kung sino sa kanila ang karapat-dapat na manalo ng Fandom of 2023 award mula sa A’Tin (SB19), Bubblies (DonBelle), KDLex (KDLex), ACES (BGYO), at Anchors (HORI7ON).

Kabilang naman sa kategoryang Celebrity Parent/s of 2023 sina Angelica Panganiban at Gregg Homan, Jessy Mendiola at Luis Manzano, Anne Curtis at Erwan Heussaff, Andi Eigenmann / Philmar Alipayo, at Elisse Joson / McCoy De Leon.