Pinay gitudlo nga HK Disneyland Ambassador

Pormal na nga gi-appoint sa Hong Kong Disneyland ang labing una nila nga ambassador nga nagikan sa Pilipinas.

Siya si Gisele Abejero nga  performer sa maong theme park sulod na sa  17 ka tuig ug magsilbi siya nga  ambassador sa Hong Kong Disneyland gikan sa 2024 hangtod sa 2025.

"I'm so happy and honored, and very proud to be the first Hong Kong Disneyland ambassador from the Philippines," saysay pa ni Gisele ngadto sa ABS-CBN News.

Giangkon niya nga nagdako siya nga fan kaayo sa Disney movies.

Nalingaw matud pa siya sa iyang trabaho hinungdan nga nagdugay gyud siya sa maong theme park.

"The people here, all the cast members, they're amazing, loving people. And of course, my passion for dancing. It's like I'm not working here at all. I love what I do. And I'm here in the happiest place on earth," niya pa.

Sa wala pa siya  nahimong  ambassador,  naka-perform na siya sa mga nagkadaiyang  show sa Disneyland, sama sa  "Festival of the Lion King,"  "The Golden Mickeys" ug "Mickey and the Wondrous Book."