Matteo at Sarah, travel ang breather!

Nagbabalik sa big screen ang legendary superhero!

May bagong mukha, may bagong kwento, pero punung-puno pa rin ng exciting at out-of-this-world adventures.

Si Matteo Guidicelli ang pinakabagong Penduko.

Ni-reimagine ng award-winning at box-office director Jason Paul Laxamana ang comic book character na nilikha ng National Artist na si Francisco V. ­Coching noong 1954 at muling ikukwento ang istorya para sa bagong henerasyon. Official entry para sa 49th Metro Manila Film Festival, ang Penduko ay isa sa 10 official entries na mag-uumpisang mapanood sa Pasko.

Bukod kay Matteo, mapapanood din sa pelikula si Albert Martinez, John Arcilla at sexy actress Kylie Verzosa.

Ang Penduko ay kwento ni Pedro, isang binatang may angking galing at husay sa mythical at supernatural powers. Namana nila ito ng kanyang ama sa kanilang mga ninuno. Pero hindi tulad ni Apo Tisot na ginagamit ang kakayahan sa paggagamot at pagtulong sa mahihirap, may ibang gustong gawin si Pedro para sa sarili niya.

“Penduko is the first MMFF venture of Epik Studios and Sari Sari Network, Inc. We are very excited and we look forward for families to watch this amazing masterpiece,” ayon sa Epik Studios at Sari Sari Network, Inc. Co-Chairman na si Jane Basas.

“Let’s make the MMFF a family tradition every Christmas once again. We want kids and parents to have a meaningful movie bonding experience. Brace yourselves for this is just the beginning of something Epik,” sabi naman ni Epik Studios President at Sari Sari Network, Inc. Co-Managing Director Vicente del Rosario III.

Samantala, kahit gaano ka-occupied sa trabaho, negosyo at endorsement, ayon kay Matteo ang misis pa rin niyang si Sarah Geronimo ang priority niya at hindi siya nawawalan ng oras para rito.

“I have to go home at a certain time and I have to be home at certain days,” sey ng aktor sa isang interview.

Maaalalang last November ay mistulang nag-second honeymoon ang naging bakasyon ng mag-asawa, kung saan ang ginawa lang nila ay bumisita sa pamilya ng aktor, mamasyal at mag-food trip kung saan-saan sa 10-day trip nila ng misis sa Europe..

“I just came back from a trip. We went to Europe, Sarah and I, just to refresh, kumbaga. (It was) Very good, we visited family in Venice, Italy and then nag-road trip lang kami du’n, kumain, food trip and just take a refresher, kumbaga,” banggit pa niya sa isang interview.

“Every vacation is a beautiful moment because we get to explore new places. Kahit na we’re from Venice kasi, kahit from there, there’s always new places to discover in Italy, maraming magagandang lugar, magagandang pagkain at kultura. It’s nice sometimes to refresh,” paliwanag pa niya.

Mahalagang bahagi nga ng pagsasama ng showbiz couple ang breathers abroad lalo pa’t pareho silang busy sa kanya-kanyang career.

“I think its very nice to take a break sometimes and to travel, ‘no, to get a refresher, kumbaga, because sometimes, you know, we’re always in the grind, we’re working, working, and it’s always nice to detach sometimes and experience a different culture, meet new people, and it’s nice,” patuloy pa ni Penduko.

Para kay Matteo, sapat na ang sampung araw na bakasyon dahil nga lima ang alaga nilang aso na naiiwan sa ‘Pinas bukod pa sa mga trabahong naka-schedule gawin tulad na lamang ng Penduko promo.

Siyempre, excited ang aktor/host sa kauna-unahan niyang pagsakay sa float bilang ito ang first time niyang sumabak sa Parade of Stars.