Dugay na nga gipangandoy
CEBU, Philippines — Gibutyag ni Andrea Torres nga ang proyekto kauban si Bea Alonzo maoy usa sa mga dakong pangandoy sa iyang kinabuhi nga nahatagan og katumanan o matawag usab niya nga tubag sa iyang pag-ampo
Kahinumdoman nga nagkatrabaho ang duha sa teleseryeng “Love Before Sunrise”.
Sa vlog ni Bea , gitubag ni Andrea ang pangutana nga “What was your most recent answered prayer?”.
Nitubag si Andrea og , ‘Yung una, maka work ka, totoo ‘to, answered prayer ko ‘yan. Kasi ikaw talaga ‘yung lagi kong sinasabi na gusto kong artista, as in gusto kong umiyak, lagi ako naaapektuhan ako sa 'yo."
Samtang si Bea sa iyang bahin, dakong garbo alang kaniya nga makatrabaho si Andrea.
Coco inspirasyon ni Richard
Usa si Coco Martin sa mga nahimong inspirasyon ni Richard Gutierrez sa padayon niya nga mga tingoha nga makagama og dugang action projects.
Giangkon sa aktor nga dili basta-basta ang maong proyekto .
"Nung pinasok ko naman 'yung action sa teleserye at sa pelikula ay alam ko naman kung gaano siya kahirap gawin. Before doing a project I prepare myself mentally, physically and spritually, as much as a I can. It's going to take a lot from me, it's going to take a lot from the entire team," niya pa. Nakita ni Richard ang dedikasyon ni Coco sa trabaho niini.
"Nakatrabaho ko si Coco Martin hindi ba ng dalawang taon sa 'Ang Probinsyano.' Wala siyang kapaguran at nakita ko 'yon sa kanya. It's because of his passion and it's because of the people he works with and I was able to see that and get inspired by that as well," dugang pa sa aktor.
Christmas single
Gikatakdang i-release karong Nobyembre 10 sa OPM singer nga si Juan Karlos Labajo ang iyang Christmas single. Nanghinaot ang singer nga mauyonan kini sa katawhan.
Magtagad gihapon
Gibutyag ni Arron Villaflor nga magtagad gihapon sila sa iyang ex-girlfriend nga si Jane de Leon . "If I will see her, I will casually greet her pero not to the point na share stories. Mas okay na po siguro na ganoon na lang," suma pa sa aktor.
Emosyonal sa concert
Nitulo ang luha ni Sharon Cuneta atol sa reunion concert nila ni Gabby Concepcion sa niaging gabii. Aduna pud siya'y kalit-kalit nga performance kauban ang anak niya nga si KC Concepcion kun diin gikanta nila ang "Dear Heart".“ Sorry, KC. We couldn’t give you that complete family, but you have two families. Papa and I never stopped loving you, and you were never the problem,” emosyonal nga mensahe ni Sharon ngadto kang KC.
MUP-Cebu moarangkada na
Dugang prestihiyosong indigay ang mosulbong alang sa mga Sugboanon nga naila nga mga banggiitan sa natad sa indigay.
Mahitabo sa unang bahin karong 2024 ang labing una nga Miss Universe Philippines (MUP)- Cebu kun diin gipaabot ang pagsalmot sa mga tang-an.
Ang naghupot sa MUP- Cebu kay naglangkob nila ni Danny Booc, Irma Payod-Bitzer, ug Jocelyn Tagulao.
Mahitabo karong Pebrero 3, 2024 ang grand coronation night sa maong indigay.
Gibana-bana nga moabot ngadto sa 50 ka mga kandidata ang malambigit sa MUP-Cebu.
Gibutyag ni Booc nga usa siya ka MUP Accredited Partner sa nilabay nga mga katuigan kun diin nakasalmot sila si
Apriel Smith, Steffi Aberasturi, ug Lou Dominique Piczon .
Samtang sa habig kang Bitzer , dili na usab bag-o kaniya ang indigay sanglit siya man ang reigining Mrs. Philippines International ug gipasalig niya nga mahimong hugyaw ang pagpasundayag sa MUP-Cebu.
“After winning sa Mrs. Philippines International, naka-realize ko sa akong passion sa pageants. With MUP Cebu, I want to inspire young Cebuanas to be advocates of change and part of innovative solutions especially here in Cebu,” ni Bitzer pa .
Plano sa MUP-Cebu organizers nga mopahigayon og screenings sa Cebu City, Cebu North, Cebu South, ug Cebu West.
Wala na'y labot niini ang Toledo City sanglit aduna na kini franchise sa MUP.
Apelar ni Ate V
Miapelar si Vilma Santos nga ibalik ang programang "It's Your Lucky Day" kun diin ang host niini mao ang iyang anak nga si Luis Manzano. Kahinumdoman nga ang maong show maoy temporaryong gihulip kaniadto sa "It's Showtime" sulod sa 12 ka adlaw human kini nasuspenso.
"You know why, anak? Marami kayong napapaligaya, believe me," mensahe pa ni Ate V ngadto sa iyang anak.
Samtang dakong garbo alang kang Lucky nga nahimong kabahin sa maong programa nga nakahatag og kalipay sa kadaghanan.
"It's our great honor na magpasaya sa inyong lahat nang panandalian para mapawi ang inyong problema. At sa ating 'Showtime' family, we welcome you back. Maraming-maraming salamat sa pagpapatuloy sa inyong tahanan at itutuloy niyo rin ang kasiyahan. Mga ka-Lucky, sabay-sabay po tayyong magdasal. Kapit lang. Sabi nga nilang lahat, malay naman natin this is not goodbye," matud pa ni Luis.
Joey Paras mipanaw
Nipanaw ang 45 anyos nga komedyanteng aktor nga si Joey Paras ug gikumpirmar kini sa iyang pamilya niadtong Domingo. Nailhan si Joey sa mga pelikulang Last Supper Number 3 , Bekikang: Ang Nanay Kong Beki ug uban pa
“To all of our family and friends, we are saddened to announce that our Tito Joey Paras, passed away and joined our Creator this afternoon, October 29, 2023 at 5:40pm. Unfortunately his heart wasn't able to recover anymore,” statement sa iyang pamilya .
Niadtong 2020, wala na kaayo modawat og proyekto ang aktor ug giingong duna kini sakit sa kasingkasing.
- Latest